اندرويد للمبتدئين 2- أساسيات ومفاهيم

بيتقسم اندرويد لاربع قطاعات بحيث ان كل قطاع منهم بيهتم بجزء معين من ال app وبشغل جزء فيه او ال app نفسه بيحتاج يشغل اي حاجه منهم

1- Linux Kernel
    زي ما قلنا في الدرس اللي فات ان اندرويد مبني علي Linux فبكده معظم العمليات اللي بيقوم بيها واخدها منه زي اداره العمليات والذاكره وهو اللي بيتحكم في الكاميرا ولوحه المفاتيح وهكذا
2-Libraries
هنا بقي نجد المكتبات اللي بتساعدنا واحنا بنعمل التطبيق زي مكتبه SQL اللي بتاعدك في الربط بينك وبين قاعده البيانات
3-ِAndroid Run Time
بداخلها في حاجه اسمها DVM(Delvik Virtual Machine وهي نوع من ال JVM بس خاصه باندرويد ده بيجعل كل تطبيق من تطبيقات اندرويد ياخد منه object ويستقل بنفسه وبالعمليات اللي بيقوم بيها
بكده كل تطبيق هيكون شغال من غيرما يتعارض مع تطبيق اخر شغال
بداخله برده هنلاقي بعض المكتبات الخاصه بلغه جافا
4-Application Framework
   اي framework عموما عباره عن حاجه بتسهلك من شغلك وتديلك شكل واداء افضل للبرنامج
5- التطبيقات
وهنا يوضع التطبيق اللي بتعمله واي تطبيق اخر

Application Components مكونات التطبيق
بعض المفاهيم التي نحتاجها لكي نفهم تطبيق اندرويد
Activities :
      تخيل اي تطبيق اندرويد كانه موقع ويب مكون من مجموعه من الصفحات كل صفحه في تطبيق اندرويد تسمي activity بيكون ليها life cycle    دوره بتمشي فيها هنعرفها بعدين انت من خلال ال activity دي تقدر تتعامل مع التطبيق
وكل activity بتتكون من حاجتين ال layout ودي بتكون الواجهة اللي بتظهر للمستخدم و كلاس جافا اللي بيحتوي علي الكود والاتنين بيتعاملو مع بعض عن طريق ملف اسمه .R

Services:

   هي اللي مسئوله عن اي شئ بيشتغل في الخلف دون التاثير علي التطبيق او غلقه مثل تشغيل اغنيه اثناء تصفح الفيس او لعب اي لعبه
Broadcast Receivers:
ودي مسئوله عن تحقيق الاتصال بين التطبيقات بعضها البعض او بينها وبين نظام الاندرويد
مثل لما تكون بتلعب لعبه ويطلب منك انك تروح لتطبيق الفيس وتطلب بيانات معينه
عند جلب هذه البيانات بيروح تطبيق الفيس يعرف اللعبه انه جلب البيانات التي يحتاجها ويسمح له باستخدامها

Content Providers:

مسئوله عن اداره البيانات وتخزينها سواء خزنت علي الموبايل او خارجه علي سيرفر

View:

عباره عن العناصر اللي بيشوفها او يستخدمها المستخدم في التطبيق مثل Buttons ,Texstfield ,lable,imagebutton وكل view بيكون ليه حاجه اسمها التسلسل الهرمي زي اللي في الصوره

بمعني ان كل حاجه بتندرج تحت اللي فوقيها وبكون مرتبطه بها
وكل Activity بيحتوي علي مجموعه من ال views

Intent:
هو عبارة عن الاسلاك اللي بتربط مكونات التطبيق ببعضها او هي اللي بتوصلك لمكان معين في التطبيق او ممكن تجيب حاجه من تطبيق تاني
ممكن تخليك تبدأ Activity جديده او تخلي التطبيق يتصل برقم او يستخدم الانترنت او تستخدم الاسماء
وفيها نوعين ممكن تنادي علي حاجه جوه التطبيق بتاعك وممكن خارجه من تطبيق اخر او من النظام نفسه
وهيكون ليها درس خاص بيها لانها مهمه جدا باذن الله